ਸਿੰਘ ਮੀਡੀਆ ਬਿਊਰੋ: ਟੈਲੀਵੀਜ਼ਨ ਜਗਤ ਦੇ ਮਸ਼ਹੂਰ ਅਦਾਕਾਰ ਪੰਕਜ ਧੀਰ, ਜੋ ਬੀ.ਆਰ. ਚੋਪੜਾ ਦੀ ਮਹਾਭਾਰਤ ਵਿੱਚ “ਕਰਨ” ਦੀ ਭੂਮਿਕਾ ਨਾਲ ਘਰ-ਘਰ ਜਾਣੇ ਜਾਂਦੇ ਸਨ, ਹੁਣ ਇਸ ਦੁਨੀਆ ਵਿੱਚ ਨਹੀਂ ਰਹੇ। 68 ਸਾਲ ਦੀ ਉਮਰ ਵਿੱਚ ਉਹ ਕੈਂਸਰ ਨਾਲ ਲੜ ਰਹੇ ਲੰਬੀ ਲੜਾਈ ਤੋਂ ਹਾਰ ਗਏ ।
ਪਰਿਵਾਰ ਦੇ ਨੇੜੇ ਦੇ ਇਕ ਦੋਸਤ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਇਸ ਦੁਖਦ ਖ਼ਬਰ ਦੀ ਪੁਸ਼ਟੀ ਕੀਤੀ ਹੈ।
ਪੰਕਜ ਧੀਰ ਨੇ ਸਿਰਫ਼ ਮਹਾਭਾਰਤ ਹੀ ਨਹੀਂ, ਸਗੋਂ ਕਈ ਹੋਰ ਹਿੱਟ ਟੀਵੀ ਸ਼ੋਅਜ਼ ਜਿਵੇਂ ਕਿ ‘ਚੰਦਰਕਾਂਤਾ’, ‘ਦਿ ਗ੍ਰੇਟ ਮਰਾਠਾ’ ਅਤੇ ‘ਯੁਗ’ ਨਾਲ ਵੀ ਦਰਸ਼ਕਾਂ ਦੇ ਦਿਲਾਂ ਵਿੱਚ ਆਪਣੀ ਪਛਾਣ ਬਣਾਈ।
ਉਹ ਕਈ ਬਾਲੀਵੁੱਡ ਫ਼ਿਲਮਾਂ ‘ਸੋਲਜਰ’, ‘ਬਾਦਸ਼ਾਹ’ ਆਦਿ ਵਿੱਚ ਵੀ ਨਜ਼ਰ ਆਏ ਸਨ।
ਅਦਾਕਾਰੀ ਦੀ ਦੁਨੀਆ ਵਿੱਚ ਉਹਨਾਂ ਦਾ ਯੋਗਦਾਨ ਹਮੇਸ਼ਾ ਯਾਦ ਕੀਤਾ ਜਾਵੇਗਾ।
