ਇਤਿਹਾਸਕ ਡਾਕੂਮੈਂਟਰੀ ‘ਪੰਜਾਬ ਤੋਂ ਓਟਿਆਰੋਆ’ ਦੀ ਔਕਲੈਂਡ ’ਚ ਦੂਜੀ ਸਕਰੀਨਿੰਗ, ਭਾਰਤੀ ਕਮਿਊਨਿਟੀ ਨੇ ਭਰਕੇ ਦਿੱਤਾ ਸਾਥ

19 ਜੂਨ (ਆਕਲੈਂਡ) ਵੈੱਬ ਡੈਸਕ : ਇੱਕ ਸਦੀ ਤੋਂ ਵੱਧ ਪੁਰਾਣੇ ਸਮੁੰਦਰੀ ਸਫਰ ਦੀ ਯਾਦ ਨੂੰ ਸਾਂਭਦੇ ਹੋਏ, ਪੰਜਾਬੀ ਪਰਵਾਸੀਆਂ ਦੇ ਨਿਊਜ਼ੀਲੈਂਡ ਪਹੁੰਚਣ ਦੀ ਕਹਾਣੀ ਹੁਣ ਪਰਦੇ ‘ਤੇ ਆ ਗਈ ਹੈ। “ਪੰਜਾਬ ਤੋਂ ਓਟਿਆਰੋਆ” ਨਾਮਕ ਡਾਕੂਮੈਂਟਰੀ ਨੇ ਔਕਲੈਂਡ ਦੇ ਬੋਟਨੀ ਸਿਨੇਮਾ ਹਾਲ ਵਿੱਚ ਆਪਣੀ ਦੂਜੀ ਵਿਸ਼ੇਸ਼ ਸਕਰੀਨਿੰਗ ਨਾਲ ਦਰਸ਼ਕਾਂ ਦੇ ਦਿਲ ਜਿੱਤ ਲਿਆ ।

ਇਸ ਪ੍ਰੋਜੈਕਟ ਦੇ ਆਰੰਭਕ ਸ. ਹਰਜੋਤ ਸਿੰਘ, ਸ. ਪਰਮਿੰਦਰ ਸਿੰਘ ਅਤੇ ਸ. ਨਵਤੇਜ ਸਿੰਘ ਹਨ, ਜਿਨ੍ਹਾਂ ਨੇ ਇਤਿਹਾਸ, ਸੱਭਿਆਚਾਰ ਤੇ ਧਰਮ ਦੀ ਪਾਰੰਪਰਿਕ ਲਗਨ ਨੂੰ ਵਿਜ਼ੂਅਲ ਰੂਪ ਵਿੱਚ ਬਾਖੂਬੀ ਪੇਸ਼ ਕੀਤਾ।

ਸਕਰੀਨਿੰਗ ਦੌਰਾਨ ਸ. ਨਵਤੇਜ ਸਿੰਘ ਰੰਧਾਵਾ ਨੇ ਸੱਭ ਦੇ ਆਉਣ ਦਾ ਦਿਲੋਂ ਧੰਨਵਾਦ ਕੀਤਾ ਅਤੇ ਸ. ਪਰਮਿੰਦਰ ਸਿੰਘ ਪਾਪਾਟੋਏਟੋਏ ਨੇ ਨਿਰਦੇਸ਼ਕ ਗਗਨ ਸੰਧੂ ਤੇ ਸ. ਹਰਜੋਤ ਸਿੰਘ ਨੂੰ ਸਟੇਜ ਤੇ ਸੱਦ ਓਹਨਾ ਦੇ ਕੰਮ ਦੀ ਪ੍ਰਸੰਸਾ ਕੀਤਾ।

ਇਹ ਡਾਕੂਮੈਂਟਰੀ ਨਾ ਸਿਰਫ਼ ਇਤਿਹਾਸ ਬਾਰੇ ਜਾਣਕਾਰੀ ਦਿੰਦੀ ਹੈ, ਸਗੋਂ ਇਹ ਵੀ ਦਿਖਾਉਂਦੀ ਹੈ ਕਿ ਪੰਜਾਬੀ ਪਰਵਾਸੀਆਂ ਨੇ ਨਵੀਂ ਧਰਤੀ ‘ਤੇ ਆਪਣੀ ਪਛਾਣ, ਭਾਸ਼ਾ ਨੂੰ ਕਿਵੇਂ ਜਿਉਂਦਾ ਰੱਖਿਆ।

ਡਾਕੂਮੈਂਟਰੀ ਦਾ ਅਗਲਾ ਪ੍ਰੀਮੀਅਰ ਹੈਮਿਲਟਨ ਵਿੱਚ ਹੋਣ ਵਾਲਾ ਹੈ, ਜਿਸ ‘ਚ ਹੋਰ ਨਵੇਂ ਦਰਸ਼ਕ ਇਸ ਇਤਿਹਾਸਕ ਫ਼ਿਲਮ ਨਾਲ ਰੂਬਰੂ ਹੋ ਸਕਣਗੇ।

  • Related Posts

    ਵਾਈਕਾਟੋ ‘ਚ 18 ਅਕਤੂਬਰ ਨੂੰ ਦੀਵਾਲੀ ਮੇਲਾ — ਜੁਝਾਰ ਸਿੰਘ ਰੰਧਾਵਾ ਦੀ ਦੇਖਰੇਖ ਹੇਠ ਤਿਆਰੀਆਂ ਮੁਕੰਮਲ

    Indian Cultural Society Waikato Inc. Presents Diwali Mela 2025 on 18 October 2025, Innes Common,Hamilton Lake

    ਵਾਈਕਾਟੋ ‘ਚ ਮਨਾਇਆ ਗਿਆ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਦਾ ਜਨਮ ਦਿਵਸ

    ਨਿਊਜ਼ੀਲੈਂਡ ,ਹੈਮਿਲਟਨ (ਬਿਨੈਦੀਪ ਸਿੰਘ ) ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਸਪੋਰਟਸ ਐਂਡ ਕਲਚਰ ਟਰੱਸਟ ਵੱਲੋਂ ਹੈਮਿਲਟਨ ਵਿੱਚ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਦਾ ਸਾਲਾਨਾ ਜਨਮ ਦਿਵਸ ਸਮਾਰੋਹ ਸ਼ਾਨ ਨਾਲ ਮਨਾਇਆ ਗਿਆ। ਇਸ ਮੌਕੇ ਤੇ…