ਨਿਊਜ਼ੀਲੈਂਡ ,ਹੈਮਿਲਟਨ (ਬਿਨੈਦੀਪ ਸਿੰਘ ) ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਸਪੋਰਟਸ ਐਂਡ ਕਲਚਰ ਟਰੱਸਟ ਵੱਲੋਂ ਹੈਮਿਲਟਨ ਵਿੱਚ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਦਾ ਸਾਲਾਨਾ ਜਨਮ ਦਿਵਸ ਸਮਾਰੋਹ ਸ਼ਾਨ ਨਾਲ ਮਨਾਇਆ ਗਿਆ। ਇਸ ਮੌਕੇ ਤੇ ਗਿੱਧਾ, ਭੰਗੜਾ, ਨਾਟਕ ਅਤੇ ਹੋਰ ਕਈ ਸਭਿਆਚਾਰਕ ਰੰਗਾਂ ਦੀਆਂ ਪੇਸ਼ਕਾਰੀਆਂ ਨੇ ਦਰਸ਼ਕਾਂ ਨੂੰ ਮੋਹ ਲਿਆ।
ਪ੍ਰੋਗਰਾਮ ਦੀ ਸ਼ੁਰੂਆਤ ਪਰਮਬੀਰ ਕੌਰ ਗਿੱਲ ਅਤੇ ਹਰਜੀਤ ਕੌਰ ਵੱਲੋਂ ਗੀਤ“ਏ ਮੇਰੇ ਵਤਨ ਕੇ ਲੋਗੋ” ਗਾ ਕੇ ਕੀਤੀ ਗਈ। ਇਸ ਤੋਂ ਬਾਅਦ ਟਰੱਸਟ ਦੇ ਪ੍ਰਧਾਨ ਜਰਨੈਲ ਸਿੰਘ ਰਾਹੋਂ ਨੇ ਆਪਣੀ 24 ਮੈਂਬਰੀ ਟੀਮ ਕਮੇਟੀ ਦੀ ਜਾਣ-ਪਛਾਣ ਕਰਵਾ ਕੇ ਸਮਾਗਮ ਦੀ ਅਗਵਾਈ ਕੀਤੀ।
ਸਮਾਗਮ ਦੇ ਸ਼ੁਰੂ ਵਿੱਚ ਸ਼ਹੀਦਾਂ ਦੀਆਂ ਤਸਵੀਰਾਂ ਸਾਹਮਣੇ ਕਰਟਨ ਓਪਨਿੰਗ ਸਮਾਰੋਹ ਡਾ. ਦਿਲਾਵਰ ਸਿੰਘ ਅਤੇ ਗੁਰਜਿੰਦਰ ਸਿੰਘ ਘੁੰਮਣ ਵੱਲੋਂ ਕੀਤਾ ਗਿਆ। ਵੱਡੀ ਗਿਣਤੀ ਵਿੱਚ ਲੋਕਾਂ ਦੀ ਹਾਜ਼ਰੀ ਇਸ ਪ੍ਰੋਗਰਾਮ ਦੀ ਖ਼ਾਸ ਵੱਡੀ ਸਫਲਤਾ ਰਹੀ। ਛੋਟੇ-ਛੋਟੇ ਬੱਚਿਆਂ ਦੀਆਂ ਪੇਸ਼ਕਾਰੀਆਂ ਨੇ ਦਰਸ਼ਕਾਂ ਨੂੰ ਖ਼ੂਬ ਪ੍ਰਭਾਵਿਤ ਕੀਤਾ।
ਸਮਾਰੋਹ ਦੌਰਾਨ ਪੰਜਾਬ ਵਿੱਚ ਆਏ ਹੜ੍ਹ ਪੀੜਤਾਂ ਲਈ ਦਾਨ ਇਕੱਠਾ ਕੀਤਾ ਗਿਆ। ਜਿਸ ਨੂੰ ਰੇਡੀਓ ਸਪਾਈਸ ਦੇ ਜਰੀਏ ਪੰਜਾਬ ਲੋੜਵੰਦਾਂ ਤੱਕ ਪਹੁੰਚਾਇਆ ਜਾਵੇਗਾ । ਇਸ ਮੌਕੇ ਖ਼ਾਸ ਮਹਿਮਾਨਾਂ ਵਿੱਚ ਕੁਲਜੀਤ ਕੌਰ, ਰਿਆਨ ਹੈਮਿਲਟਨ (ਮੈਂਬਰ ਆਫ਼ ਪਾਰਲੀਮੈਂਟ), ਨਵਦੀਪ ਕੌਰ (ਲੇਕ ਅਕਾਊਂਟੈਂਟ ਹੈਮਿਲਟਨ), ਜਸਮੀਤ ਸਿੰਘ ਬਾਜਵਾ, ਲਖਮੀੰਦਰ ਸਿੰਘ ਢਿੱਲੋਂ, ਮੋਹਨ ਸਿੰਘ ਬੇਹਰ ਆਦਿ ਸ਼ਾਮਲ ਸਨ, ਜਿਨ੍ਹਾਂ ਦਾ ਟਰੱਸਟ ਵੱਲੋਂ ਸਨਮਾਨ ਵੀ ਕੀਤਾ ਗਿਆ।
ਟਰੱਸਟ ਦੇ ਸਕੱਤਰ ਅਤੁਲ ਸ਼ਰਮਾ ਵਲੋਂ ਆਏ ਹੋਏ ਵੱਖ ਵੱਖ ਕਮਨਿਊਟੀ ਦੇ ਮਹਿਮਾਨਾਂ ਨੂੰ ਜੀ ਆਇਆ ਆਖਦਿਆਂ ਟਰੱਸਟ ਦੇ ਕੰਮਾਂ ਦੀ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ
ਟਰੱਸਟ ਵਲੋਂ ਇਸ ਪ੍ਰੋਗਰਾਮ ਵਿਚ ਆਏ ਹੋਏ ਮੁੱਖ ਮਹਿਮਾਨਾਂ ਤੋਂ 6 ਵੇ ਪੰਜਾਬੀ ਹਫ਼ਤੇ ਦਾ ਪੋਸਟਰ ਰਿਲੀਜ਼ ਕੀਤਾ ਗਿਆ ਜਿਹੜਾ 9 ਨਵੰਬਰ ਨੂੰ 21 ਮੋਰੀ ਸਟ੍ਰੀਟ ਤੇ ਬਾਅਦ ਦੁਪਹਿਰ 3 ਵਜੇ ਸ਼ੁਰੂ ਹੋਵੇਗਾ ਅਤੇ ਸਾਰਿਆਂ ਨੂੰ ਇਸ ਪ੍ਰੋਗਰਾਮ ਵਿਚ ਪਹੁੰਚਣ ਦਾ ਸੱਦਾ ਦਿੱਤਾ ।
ਇਸ ਪ੍ਰੋਗਰਾਮ ਵਿੱਚ ਭਾਗ ਲੈਣ ਲਈ ਟੀਮਾਂ ਹੇਸਟਿੰਗਜ਼, ਆਕਲੈਂਡ, ਥੇਮਜ਼ ਅਤੇ ਹੋਰ ਸ਼ਹਿਰਾਂ ਤੋਂ ਵੀ ਪਹੁੰਚੀਆਂ। ਰੂਹ ਪੰਜਾਬ ਦੀ ਭੰਗੜਾ ਗਰੁੱਪ (ਆਕਲੈਂਡ), ਚਾਰ ਸਾਹਿਬਜ਼ਾਦੇ ਕਮਿਊਨਿਟੀ ਟਰੱਸਟ (ਥੇਮਜ਼), ਅਸਮਾ ਫਾਊਂਡੇਸ਼ਨ ਕਲੱਬ ਅਤੇ ਹੈਮਿਲਟਨ ਦੇ ਸਥਾਨਕ ਕਲਾਕਾਰਾਂ ਨੇ ਆਪਣੇ ਕਲਾ ਪ੍ਰਦਰਸ਼ਨ ਨਾਲ ਰੰਗ ਜਮਾਇਆ।
ਇਸ ਮੌਕੇ ਨਿਊਜ਼ੀਲੈਂਡ ਸਿੱਖ ਗੇਮਜ਼ ਦੇ ਚੇਅਰਮੈਨ ਸ: ਤਾਰਾ ਸਿੰਘ ਜੀ ਬੈਂਸ , ਪ੍ਰਧਾਨ ਦਲਜੀਤ ਸਿੰਘ ਸਿੱਧੂ ਅਤੇ ਸੈਕਟਰੀ ਗੁਰਵਿੰਦਰ ਸਿੰਘ ਔਲਖ ਨੇ ਕਿਹਾ ਕਿ ਸਾਨੂੰ ਸ਼ਹੀਦਾਂ ਨੂੰ ਯਾਦ ਰੱਖਣਾ ਚਾਹੀਦਾ ਹੈ ਜੋ ਉਹਨਾਂ ਨੇ ਸਾਡੇ ਲਈ ਕੀਤਾ ਇਹੀ ਵਿਚਾਰ ਧਾਰਾ ਤੇ ਸ਼ਹੀਦ ਭਗਤ ਸਿੰਘ ਟਰੱਸਟ ਕੰਮ ਕਰ ਰਿਹਾ ਅਤੇ ਰਾਹੋਂ ਦੀ ਪੂਰੀ ਟੀਮ ਨੂੰ ਇਸ ਪ੍ਰੋਗਰਾਮ ਉਲੀਕਣ ਸੰਬੰਧੀ ਮੁਬਾਰਕਾ ਦਿਤੀਆ ।ਇਸ ਮੌਕੇ ਟਰੱਸਟ ਨੂੰ ਲੰਮੇ ਸਮੇ ਤੋ ਸਹਾਇਤਾ ਕਰ ਰਹੇ ਕੰਟਰੀ ਸੈਸ਼ਨ ਦੇ ਪ੍ਰਧਾਨ ਪਰਮਜੀਤ ਸਿੰਘ ਪਰਿਹਾਰ , ਮਦਨਜੀਤ ਸਿੰਘ ਬੰਗੇ ,ਸੁਰਜੀਤ ਕੁਮਾਰ ਅਤੇ ਰਵੀ ਵਰਮਾ ਅਤੇ ਰਵੀ ਖੱਟਰ ਨੇ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ ਪ੍ਰੋਗਰਾਮ ਦੌਰਾਨ ਜਰਨੈਲ ਸਿੰਘ ਰਾਹੋਂ ਨੇ ਟਰੱਸਟ ਵਲੋਂ ਆਏ ਕੰਟਰੀ ਸੈਸ਼ਨ ਦੇ ਮੈਂਬਰਾਂ ਦਾ ਵੀ ਸਨਮਾਨ ਕੀਤਾ ਇਸਦੇ ਨਾਲ ਹੀ ਲੋਕਲ ਕਬੱਡੀ ਫੈਡਰੇਸ਼ਨ ਨਿਊਜ਼ੀਲੈਂਡ ਦੇ ਔਦੇਦਾਰਾ ਨੂੰ ਹਰਜਿੰਦਰ ਸਿੰਘ ਜਿੰਦੀ , ਹਰਪ੍ਰੀਤ ਸਿੰਘ ਨੀਟਾ ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਹੈਮਿਲਟਨ ਟੈਕਸੀ ਸੋਸਾਈਟੀ ਦੇ ਬੋਰਡ ਹਰਪ੍ਰੀਤ ਸਿੰਘ ਨੀਟਾ, ਰਾਣਾ ,ਮਨਜਿੰਦਰ ਸਿੰਘ ਵੜੈਚ ਨੂੰ ਟਰੱਸਟ ਦੀ ਹਮੇਸ਼ਾ ਸਹਾਇਤਾ ਕਰਨ ਲਈ ਸਨਮਾਨਿਤ ਕੀਤਾ । ਵਾਈਕਾਟੋ ਵੌਰੀਅਰ ਦੇ ਔਦੇਦਾਰਾ ਨੂੰ ਜਿਹਨਾਂ ਵਿੱਚ ਹੈਰੀ ਭਲੂਰ , ਜੈਵੀਰ ਸਰਾਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ ਅਤੇ ਹੈਮਿਲਟਨ ਵਿੱਚ ਹੋਣ ਵਾਲੇ 11 ਅਕਤੂਬਰ ਦੇ ਖੇਡ ਮੇਲੇ ਪਹੁੰਚਣ ਲਈ ਸਾਰੀਆਂ ਨੂੰ ਸੱਦਾ ਦਿੱਤਾ ਗਿਆ ਨਾਲ ਹੀ ਟਰੱਸਟ ਵੱਲੋਂ ਇਸ ਖੇਡ ਮੇਲੇ ਵਿੱਚ ਸਹਿਯੋਗ ਦੇਣ ਦੀ ਵੀ ਗੱਲ ਆਖੀ ਗਈ ।ਇਸ ਮੌਕੇ ਟੀ-ਪੁੱਕੀ ਤੋਂ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਨਰਿੰਦਰ ਸਿੰਘ ਕੰਗ ,ਤਾਰਾ ਸਿੰਘ ਸਰਾਏ ,ਚਮਕੌਰ ਸਿੰਘ ਢਿੱਲੋਂ , ਗੋਪੀ ਅਤੇ ਸ਼ੀਰਾ ਹੋਣਾ ਦਾ ਟਰੱਸਟ ਵਲੋਂ ਇਸ ਪ੍ਰੋਗਰਾਮ ਨੂੰ ਸਪਾਂਸਰ ਕਰਨ ਲਈ ਤਹਿ ਦਿਲੋਂ ਧੰਨਵਾਦ ਅਤੇ ਸਨਮਾਨਿਤ ਕੀਤਾ ਗਿਆ ।
6 ਵੇ ਪੰਜਾਬੀ ਹਫ਼ਤੇ ਦਾ ਪੋਸਟਰ ਰਿਲੀਜ਼ ਕੀਤਾ
ਲੰਗਰ ਕਮੇਟੀ ਦੇ ਇੰਚਾਰਜ ਅਤੇ ਟਰੱਸਟ ਦੇ ਕੈਸ਼ੀਅਰ ਸੰਦੀਪ ਕਲਸੀ ਦੀ ਅਗਵਾਈ ਵਿਚ ਪੂਰੇ ਪ੍ਰੋਗਰਾਮ ਦੌਰਾਨ ਚਾਹ, ਪਕੌੜੇ ਅਤੇ ਬਰਫ਼ੀ ਦਾ ਲੰਗਰ ਬਹੁਤ ਵਧੀਆ ਤਰੀਕੇ ਨਾਲ ਪ੍ਰਬੰਧ ਕੀਤਾ ਗਿਆ ਜਿਸ ਦਾ ਹਰੇਕ ਨੇ ਖੁੱਲ੍ਹ ਕੇ ਆਨੰਦ ਮਾਣਿਆ। ਇਸ ਮੌਕੇ ਜਰਨੈਲ ਸਿੰਘ ਰਾਹੋਂ ਨੇ ਕੈਟਰਿੰਗ ਪਾਰਟਨਰ ਮਿਠਾਈਵਾਲਾ ਵਿਸ਼ਾਲ ਜੀ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ
ਇਸ ਪ੍ਰੋਗਰਾਮ ਨੂੰ ਸਪੈਸ਼ਲ ਸੋਸ਼ਲ ਮੀਡੀਆ ਤੇ ਕਵਰੇਜ ਕਰਨ ਲਈ ਰੇਡੀਓ ਸਪਾਈਸ ਦੀ ਟੀਮ ਪ੍ਰਮਿੰਦਰ ਸਿੰਘ ਪਾਪਾਟੋਏਟੋਏ , ਐਨ ਵੀ ਸਿੰਘ ,ਰੁਪਿੰਦਰ ਕੌਰ , ਪੰਜਾਬੀ ਹੈਰਾਲਡ ਦੇ ਸੰਪਾਦਕ ਹਰਜਿੰਦਰ ਸਿੰਘ ਬਸਿਆਲਾ, ਸਿੰਘ ਮੀਡੀਆ ਚੈਨਲ ਤੋ ਬਿਨੈਦੀਪ ਸਿੰਘ ਡੇਲੀ ਖ਼ਬਰ ਤੋਂ ਚਾਹਤ ਸਖੀਜਾ ,ਪ੍ਰਾਈਮ ਪੰਜਾਬੀ ਟੀਵੀ ਦਾ ਜਰਨੈਲ ਸਿੰਘ ਰਾਹੋਂ ਨੇ ਦਿਲ ਦੀਆਂ ਗਹਿਰਾਈਆਂ ਤੋ ਧੰਨਵਾਦ ਕੀਤਾ ।
ਇਸ ਪ੍ਰੋਗਰਾਮ ਵਿੱਚ ਸਟੇਜ ਮੈਨੇਜਰ ਦੀ ਜ਼ਿੰਮੇਵਾਰੀ ਅਮਨਦੀਪ ਕੌਰ (ਪੰਜਾਬੀ ਅਧਿਆਪਕ) ਦੀ ਅਗਵਾਈ ਵਿੱਚ ਸਰਬਜੀਤ ਸਿੰਘ, ਮਨਦੀਪ ਬਰਾੜ,ਸਿਮਰਤ ਕੌਰ,ਪਰਮਿੰਦਰ ਕੌਰ,ਗੁਰਪ੍ਰੀਤ ਸਿੰਘ ਢੱਡਾ , ਵਿਸ਼ਾਲ ਕੋਹਲੀ , ਹਰਦੀਪ ਸਿੰਘ , ਸਰਬਜੀਤ ਸਿੰਘ , ਜਤਿੰਦਰ ਸਿੰਘ ਅਤੇ ਮੁਕੇਸ਼ ਕੁਮਾਰ ਬੱਗਾ ਜੀ ਨੇ ਬਹੁਤ ਸੁਚੱਜੇ ਢੰਗ ਨਾਲ ਸਟੇਜ ਦੀ ਕਾਰਗੁਜਾਰੀ ਨਿਭਾਈ । ਇਸਦੇ ਨਾਲ ਹੀ ਟੈਕਨੀਕਲ ਕਮੇਟੀ ਦੀ ਦੇਖਰੇਖ ਕਰਨ ਲਈ ਹਰਗੁਨਜੀਤ ਸਿੰਘ , ਰਣਜੀਤ ਸਿੰਘ ਬੋਪਾਰਾਏ ਦਾ ਵੀ ਰਾਹੋਂ ਵਲੋਂ ਧੰਨਵਾਦ ਕੀਤਾ ਗਿਆ ।
ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਸਪੋਰਟਸ ਐਂਡ ਕਲਚਰ ਟਰੱਸਟ ਦਾ ਇਹ ਯਤਨ ਸਿਰਫ਼ ਭਗਤ ਸਿੰਘ ਦੀ ਯਾਦ ਨੂੰ ਜਿਊਂਦਾ ਰੱਖਣ ਲਈ ਹੀ ਨਹੀਂ, ਸਗੋਂ ਇਥੋਂ ਦੀ ਨਵੀਂ ਪੀੜ੍ਹੀ ਨੂੰ ਆਪਣੇ ਸਭਿਆਚਾਰ ਅਤੇ ਵਿਰਸੇ ਨਾਲ ਜੋੜਨ ਲਈ ਵੀ ਮਹੱਤਵਪੂਰਣ ਕਦਮ ਵਜੋਂ ਵੇਖਿਆ ਜਾ ਰਿਹਾ ਹੈ। ਅਖੀਰ ਵਿੱਚ ਟਰੱਸਟ ਵਲੋਂ 14 ਵਾਂ ਖੂਨਦਾਨ ਕੈਂਪ ਜੋ ਮੁਕੇਸ਼ ਕੁਮਾਰ ਬੱਗਾ ਦੀ ਅਗਵਾਈ ਹੇਠ ਲਗਾਇਆ ਗਿਆ ਸੀ ਉਸ ਵਿੱਚ ਖੂਨ ਅਤੇ ਪਲਾਜ਼ਮਾ ਦਾਨ ਕਰਨ ਵਾਲਿਆ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਅਤੇ ਆਉਣ ਵਾਲੀ 26 ਮਾਰਚ 2026 ਨੂੰ 15 ਵਾਂ ਖੂਨਦਾਨ ਕੈਂਪ ਟਰੱਸਟ ਵਲੋਂ ਲਗਾਇਆ ਜਾ ਰਿਹਾ ਹੈ ਉਸ ਵਿੱਚ ਵੀ ਹੈਮਿਲਟਨ ਵਾਲਿਆਂ ਨੂੰ ਆਉਣ ਦਾ ਸੱਦਾ ਦਿੱਤਾ । ਅਖੀਰ ਤੇ ਸ਼ਹੀਦ ਭਗਤ ਸਿੰਘ ਟਰੱਸਟ ਦੇ ਪ੍ਰਦਾਨ ਜਰਨੈਲ ਸਿੰਘ ਰਾਹੋਂ ਨੇ ਆਏ ਹੋਏ ਮਹਿਮਾਨਾਂ , ਦਰਸ਼ਕਾਂ ਅਤੇ ਟਰੱਸਟ ਦੀ ਪੂਰੀ ਟੀਮ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ।
