ਹੈਮਿਲਟਨ (ਬਿਨੈਦੀਪ ਸਿੰਘ) — ਇੰਡੀਆਨ ਕਲਚਰਲ ਸੋਸਾਇਟੀ (ਵਾਈਕਾਟੋ) Inc. ਵੱਲੋਂ ਹਰ ਸਾਲ ਮਨਾਇਆ ਜਾਣ ਵਾਲਾ ਵਾਈਕਾਟੋ ਦੀਵਾਲੀ ਮੇਲਾ ਇਸ ਵਾਰ 18 ਅਕਤੂਬਰ 2025 , ਦਿਨ ਸ਼ਨੀਵਾਰ ਨੂੰ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਮੇਲਾ Innes Common, Hamilton Lake ਵਿਖੇ ਸ਼ਾਮ 5 ਵਜੇ ਤੋਂ ਸ਼ੁਰੂ ਹੋਵੇਗਾ।
ਇਹ ਪ੍ਰੋਗਰਾਮ ਜੁਝਾਰ ਸਿੰਘ ਰੰਧਾਵਾ ਦੀ ਦੇਖਰੇਖ ਹੇਠ ਹੋ ਰਿਹਾ ਹੈ ਅਤੇ ਤਿਆਰੀਆਂ ਆਖ਼ਰੀ ਪੜਾਅ ‘ਚ ਹਨ। ਰੰਧਾਵਾ ਨੇ ਦੱਸਿਆ ਕਿ ਇਸ ਵਾਰ ਮੇਲਾ ਹੋਰ ਵੀ ਵੱਡੇ ਪੱਧਰ ਤੇ ਕਰਵਾਇਆ ਜਾ ਰਿਹਾ ਹੈ, ਜਿਸ ਲਈ ਪੂਰੀ ਟੀਮ ਨੇ ਬੇਹਤ ਮਿਹਨਤ ਕੀਤੀ ਹੈ।
ਝੁਝਾਰ ਸਿੰਘ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਇਸ ਪ੍ਰੋਗਰਾਮ ਵਿਚ ਭੰਗੜਾ, ਗਿੱਧਾ, ਗੱਤਕਾ ਤੇ ਭਾਰਤ ਦੀ ਹਰ ਇਕ ਰਾਜ ਦੀ ਸੱਭਿਆਚਾਰਕ ਪਰਫਾਰਮੈਂਸ ਪੇਸ਼ ਕੀਤੀ ਜਾਵੇਗੀ। ਦਰਸ਼ਕਾਂ ਲਈ ਫੂਡ ਸਟਾਲਾਂ ‘ਤੇ ਹਰ ਕਿਸਮ ਦਾ ਖਾਣਾ ਉਪਲਬਧ ਹੋਵੇਗਾ ਤਾਂ ਜੋ ਲੋਕ ਭਾਰਤੀ ਸਵਾਦ ਦਾ ਆਨੰਦ ਲੈ ਸਕਣ। ਅਤੇ ਹਰ ਸਾਲ ਵਾਂਗ ਅਖੀਰ ਤੇ ਆਤਿਸ਼ਬਾਜ਼ੀ ਦਾ ਵਿਲੱਖਣ ਦ੍ਰਿਸ਼ ਵੇਖਣ ਨੂੰ ਮਿਲੇਗਾ ।
ਮੇਲੇ ਦੀ ਖ਼ਾਸ ਗੱਲ ਇਹ ਹੈ ਕਿ ਦਾਖਲਾ ਪੂਰੀ ਤਰ੍ਹਾਂ ਮੁਫ਼ਤ (Free Entry) ਹੈ ਅਤੇ ਹਰ ਉਮਰ ਦੇ ਲੋਕ ਇਸ ਵਿਚ ਸ਼ਾਮਿਲ ਹੋ ਸਕਦੇ ਹਨ।
ਸਥਾਨ ‘ਤੇ ਪਾਰਕਿੰਗ ਦੀ ਬਿਹਤਰ ਸੁਵਿਧਾ ਉਪਲਬਧ ਕਰਵਾਈ ਗਈ ਹੈ ਤਾਂ ਜੋ ਕਿਸੇ ਨੂੰ ਕਿਸੇ ਤਰ੍ਹਾਂ ਦੀ ਦਿੱਕਤ ਨਾ ਆਵੇ । ਆਯੋਜਕਾਂ ਨੇ ਸਾਰਿਆਂ ਨੂੰ ਅਪੀਲ ਕੀਤੀ ਹੈ ਕਿ ਆਪਣੀਆਂ ਪਿਕਨਿਕ ਮੈਟਾਂ , ਛਤਰੀ ਨਾਲ ਆਉਣ ਤੇ ਖੁੱਲ੍ਹੇ ਮਾਹੌਲ ਵਿਚ ਇਸ ਪ੍ਰੋਗਰਾਮ ਦਾ ਅਨੰਦ ਲੈਣ ।
ਰੰਧਾਵਾ ਨੇ ਦੱਸਿਆ ਕਿ ਇਹ ਸਮਾਗਮ ਹਰ ਸਾਲ ਬਹੁਤ ਉਤਸ਼ਾਹ ਨਾਲ ਇੰਡੀਆਨ ਕਲਚਰਲ ਸੋਸਾਇਟੀ (ਵਾਈਕਾਟੋ)Inc ਵੱਲੋਂ ਮਨਾਈਆਂ ਜਾਂਦਾ ਹੈ ਅਤੇ ਇਸ ਸਾਲ ਇੰਡੀਅਨ ਕਲਚਰਲ ਸੋਸਾਇਟੀ (ਵਾਈਕਾਟੋ)Inc ਨੂੰ ਹੋਂਦ ਵਿੱਚ ਆਏ ਪੂਰੇ 35 ਸਾਲ ਹੋ ਗਏ ਹਨ। ਉਹਨਾਂ ਦੱਸਿਆ ਕਿ ਸਾਡਾ ਮਕਸਦ ਵਾਈਕਾਟੋ ਖੇਤਰ ਵਿੱਚ ਭਾਰਤੀ ਸਭਿਆਚਾਰ, ਭਾਸ਼ਾ ਅਤੇ ਸਾਹਿਤ ਦੀ ਧਨਵਾਨ ਪਰੰਪਰਾ ਨੂੰ ਉਭਾਰਨਾ ਅਤੇ ਮਨਾਉਣਾ ਹੈ। ਰੰਗ-ਬਿਰੰਗੇ ਤਿਉਹਾਰਾਂ ਰਾਹੀਂ ਅਸੀਂ ਬਹੁ-ਸੱਭਿਆਚਾਰਕ ਸਾਂਝ ਨੂੰ ਮਜ਼ਬੂਤ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਹਾਂ, ਜੋ ਭਾਈਵਾਲ ਵਿਚਕਾਰ ਏਕਤਾ ਤੇ ਪਿਆਰ ਦੇ ਰਿਸ਼ਤੇ ਮਜ਼ਬੂਤ ਕਰਦੀ ਹੈ ਅਤੇ ਨਿਊਜ਼ੀਲੈਂਡ ਦੇ ਸਮਾਜ ਨੂੰ ਹੋਰ ਸੁੰਦਰ ਬਣਾਉਂਦੀ ਹੈ।
ਇਸ ਮੌਕੇ ਜੁਝਾਰ ਸਿੰਘ ਦੇ ਇਲਾਵਾ Secretary/Event Coordinator Jeevan Syril Mathews, Treasurer Kamaljit Farrar, Vice President Roy Vellara JP, Assistant Secretary Neet Dhiman, Assistant Treasurer Rajni Lal, Auditor Ravinder Power, Immediate Past President Paul Singh Bains JP QSM, Executive Members Daman Farrar, Damanjit Bains ਅਤੇ Dr Sarkaw Randhawa ਮੌਜੂਦ ਸਨ ।